BRAGI: Reykjavík: lesa (nb: gs) > "Skoðum söfn"

námsbók: gs vb kh ath 25.09.03	B R A G I	frumstig Reykjavík: lesa
Skoðum söfn

Verkefni 1

Hver nemandi skoðar bækling eða heimasíðu eins safns í Reykjavík.
Lesið textann og punktið niður:
- hvers konar safn þetta er
- hvað er sérstakt við safnið
- hvort þar er boðið upp á veitingar eða aðra þjónustu
Finnið safnið á kortinu.

Verkefni 2

Spyrjið aðra nemendur hvort þeir vilji koma með ykkur á safnið.
Segið frá safninu í samtalinu (styðjist við punktana ykkar).
Reynið að sannfæra nemandann.
Ákveðið hvað þið ætlið að gera á eftir.

Orðasambönd

förum á safn / hvernig væri að kíkja á safn? / mig langar til að skoða söfn
ég er ekkert fyrir söfn / ég fer sjaldan á söfn / mér finnst ekki gaman að fara á söfn
mér finnst sérstaklega gaman að skoða ... / það væri gaman að skoða ... / mér finnst skemmtilegast að skoða ...
það væri gaman að sjá ...
við verðum endilega að sjá / fara (á/í) ...
getum við ekki líka farið á ...
svo getum við farið í gönguferð á eftir

Dæmi um samtal

Nemandi A		Nemandi B
	<	Viltu koma með mér á safn?
Æ nei, mér leiðast söfn.	>
	<	Jú, við getum til dæmis farið á sýningu í Norræna Húsinu, labbað einn hring og fengið okkur kaffi á eftir.
Er almennilegt kaffihús þarna?	>
	<	Já, og hægt að lesa dagblöð frá hinum Norðurlöndunum.
Jæja, ég slæ þá til, í þetta sinn.	>
	<	Þetta er líka svo skemmtilegur staður og svo getum við farið í gönguferð niður í hljómskálagarð á eftir eða farið niður á tjörn.
Flott, ég kem með.	>

Nemandi C		Nemandi D
	<	Viltu koma með mér á safn?
Já, hvaða safn varstu að hugsa um?	>
	<	Mér datt í hug að við gætum farið á Árbæjarsafnið.
Er það ekki útisafn?	>
	<	Jú.
Mér finnst of kalt úti.	>
	<	Þá getum við farið á Listasafn Íslands sem er niðri við Tjörnina.
Já, mér líst vel á það. En á eftir langar mig í heitt kakó.	>
	<	Við segjum það þá.

[FORSÍÐA] [yfirlitstafla]

[athugasemdir, 25.09.03]