Verkefni

• Skrifið skemmtilega jólasögu. Þið getið notað hugmyndirnar hér fyrir neðan og lokið við sögurnar
  en megið líka finna ykkar eigið efni.

Íslensk fjölskylda í jólaundirbúningi: Grýla, Leppalúði og jólasveinarnir

Á Íslandi sem annars staðar er mikið umstang fyrir jólin.
Allt er þrifið hátt og lágt, heilu stamparnir bakaðir af smákökum,
útbúið jólaskraut og keyptar jólagjafir.
Þessu er ekki mikið öðruvísi farið í kotinu hjá Grýlu gömlu og Leppalúða.
. . .

Ósk á jólanótt

Einu sinni á jólanótt var ung stúlka á gangi á leið til messu.
Það var stjörnubjart og snjór lá yfir öllu.
Stúlkan horfði eins og dáleidd upp í himininn á óteljandi stjörnur
og hugsaði til jólastjörnunnar í Betlehem á fyrstu jólunum.
. . .

Álfareið

Ég vaknaði upp við að eitthvað óskiljanlegt afl togaði mig til sín.
Og áður en ég vissi var ég klæddur og kominn út.
Ég þrammaði í snjónum eins og í leiðslu í áttina að lítilli hæð ekki langt frá heimili mínu.
. . .

Tröllin hirði jólin!

Er hægt að hugsa sér nokkuð ömurlegra en jólin?
Þetta endalausa stúss og stress bara fyrir þennan eina dag má segja.
Allt þetta skrautdót sem hangir í búðum og leggst yfir bæinn frá og með haustinu.
Fólk æðir búð úr búð til að kaupa eitthvert drasl fyrir vini og vandamenn.
. . .

[FORSÍÐA] [yfirlitstafla]

[athugasemdir, 25.09.03]