BRAGI: land og haf: hlusta (KH: GS)

Tilgangur (efni, aðalatriði, markmið)	Sagnir og fallstýring þeirra. Forsetningar og fallstýring þeirra.
Fyrirfram þekking nemenda	Einhver kunnátta á forsetningum og fallstýringu.
Undirbúningur kennara	Vera með lausnir tiltækar úr kennarahandbók.
Tillögur	Kennari getur annað hvort verið með hljóðefnið af Braga eða lesið sjálf/ur ljóðið. Nemendur hlusta á ljóðið og skrifa orðin sem vantar í eyðurnar, en það eru eingöngu sagnir, nafnháttarmerki og forsetningar. Farið í orð sem eru ný eða fólk skilur ekki. Farið í helstu forsetningar og fallstýringu (og rifjuð upp fallstýring sagna), sem er líka undirbúningur fyrir vinnubók.
Aðrir möguleikar	Í stað þess að allir hlusti, er hægt að láta nemendur skipta verkum. Annar les en hinn skrifar.
Ítarefni	Fara í leitarvél Braga og leita undir "forsetningar" til að finna fleiri forsetningaverkefni.
Annað sem má taka fram	Til gamans; eftir minni: Flosi Ólafsson skrifaði eitt sinn stórskemmtilegan pistil um tilveru sína í þolfalli og þágufalli. Hann var að útlista, eins og oftar, samskipti sín og konunnar. Á heimilinu fannst honum glöggt að tilvera hans væri í þolfalli, þar sem konan fór með "hann" í búð að kaupa á hann föt, fór með "hann" í klippingu, fór með hann í heimsóknir.. o.s.frv. Tilefni skrifanna var hins vegar það að hann heyrði á tal konunnar við vinkonu sína, þar sem hún sagði án efa að hún ætlaði með "honum" á Listasafnið um helgina. Um helgina gekk hann keikur við hlið konunnar sinnar á Listasafnið, í buxunum sem hún hafði farið með hann að kaupa á hann, nýklipptur eftir klippinguna sem hún hafði farið með hann í,.. en þarna fór hún með "honum", tilvera hans hafði gerbreyst, "hann" var kominn á æðra tilverustig, var orðinn að "honum".

Samsetning hópsins
Tungumál hópsins
Stærð hópsins
Tími
Hvernig gekk
Dagsetning

Samsetning hópsins: gs 1/2 (grunnstig), fs 3/4 (framhaldsstig) — Tungumál hópsins: en(ska), fr(anska), sp(ænska), sk(andínavíska), þý(ska), as(íumál), an(nnað) — Stærð hópsins: <6 (1-5), >6 (6-10), >10 (11-20), >20 — Tími: 45/90/... min. — Hvernig gekk: ++ (mjög vel), + (vel), sæmilega (-), illa (--)

B R A G I

„Í dag“

Lausn/svör