kennarahandbók: fs    nb  vb  ath  25.09.03

B R A G I

FRUMSTIG   menning: tala

Kvikmyndir: Börn náttúrunnar

• Myndir og bíómyndir. Læra meðvitað að nota þær upplýsingar sem myndir gefa. Þó að myndaröðin sé tekin úr kvikmyndinni "Börn náttúrunnar" er takmarkið ekki að finna "rétt" svör (þ.e.a.s. einmitt það sem kemur fram í kvikmyndinni), heldur komast að "eðlilegum" niðurstöðum.

• Ath. kennari þarf ekki að hafa séð bíómyndina. E.t.v. getur hann fræðst um hana hjá nemendum sem þekkja myndina og fá þá að njóta sín.

• Kenna nemendum að spyrja opinna spurninga. Hvað segir myndin mér? Hægt er að vinna verkefnið í hóp þannig að hver nemandi segi frá því sem hann sér, eða láta hvern og einn segja frá einni mynd. Ef einhverjir nemendur hafa séð myndina fá þeir tækifæri til að segja frá í lokin.

• Hægt er að taka aðrar myndir eða stutt myndbönd og vinna á svipaðan hátt.

• Hægt er að skoða senuna hér: http://www.saga.is/ifc/F_children.html.

• Myndin "Börn náttúrunnar" hentar vel til þess að horfa á hana með nemendum ef tækifæri er til þess, þar sem hún byggir mikið til upp á myndum, en segir þó djúpstæða sögu. Best er að skoða litla búta í einu og tala um þá.

• Nemendur skrifa sögu út frá myndunum. Þeir sem þekkja myndina geta skrifað um eitthvert atriði úr henni.

Samsetning hópsins

Tungumál hópsins

Stærð hópsins

Tími

Hvernig gekk

Dagsetning