kennarahandbók: gs nb  vb  ath  25.09.03

B R A G I

vinnustig   land og haf: orðaforði

Dýrin í sveitinni

meta kennsluefnið

• Orðaforði: heiti á dýrum.

• Dálítil samtalsfærni: kunna að spyrja einfaldra spurninga.
• Fyrir verkefni 3 þurfa nemendur að þekkja helstu beygingarflokka no.

• Koma með myndir af dýrum (nauðsynlegt ef aðeins er töluð íslenska).
• Fyrir verkefni 3, teningar.

• Nemendur skoða dýraheiti og raða þeim inn í rétta dálka. Kennari getur verið með myndir af dýrum til að sýna hvað þau heita (nokkrar myndir eru á vef Húsdýragarðsins). 
• Kennari einbeitir sér að hús- og gæludýrum. Hann geymir villt dýr og þau dýr sem hafa sérkennileg heiti á íslensku fyrir leik 1.
• Leikur 1: (má nota í næsta tíma til upprifjunar). Kennari skrifar hjá sér sérkennileg dýraheiti: mörgæs, fíll, könguló, flóðhestur, leðurblaka, broddgöltur, smokkfiskur, úlfaldi, flóðhestur bleikja, ... og geymir hjá sér.
  Hann nefnir eitt dýraheitið og nemendur reyna með spurningum að geta sér til um hvaða dýr þetta er. Þegar nokkrir úr hópnum hafa fundið út úr því eiga þeir að útskýra fyrir hinum þangað til allir hafa skilið það.
  Spurningar nemenda eiga að vera þannig að hægt sé að svara þeim með "já" eða "nei", t.d.: er dýrið stórt?; er það með feld?; lifir það í sjó?; er það með fjóra fætur?
• Leikur 2: Kennari skrifar dýraheiti sem nemendur eiga að þekkja á miða (1 dýr á hvern miða) og dregur hver nemandi einn miða. Hinir spyrja hann svo spurninga þangað til búið er að ráða gátuna. Til að breyta til, skrifar kennari dýraheiti á töfluna og hver nemandi segir eina setningu sem lýsir dýrinu. Þeir nemendur sem hafa gleymt því hvaða dýr þetta er taka ekki þátt, þangað til þeir hafa heyrt á setningum hinna, um hvaða dýr er að ræða. Haldið er áfram þar til allir þekkja dýrið.
• Leikur 3: A: "Er nautgripur í Húsdýragarðinum?" B (kastar teningnum): "Já, það eru ... nautgripir í Húsdýragarðinum". Það má notast við orðin úr verkefni 2. Þá geta nemendur svarað neitandi: "Nei, það eru ekki höfrungar í Húsdýragarðinum".

• Textinn í nb er til gamans og ekki nauðsynlegt að lesa hann. Skilgreiningarnar á hugtökunum "húsdýr" eða "villt dýr" eru málfarslega mjög erfiðar. Kennari getur þýtt þær fyrir nemendur. Nemendur geta flokkað dýrin að vild, en ef ágreiningur kemur upp má notast við skilgreiningarnar og e.t.v. stofna til umræðu.

• Nemendur skrá hjá sér upplýsingar um dýrin og kennari getur komið með fleiri orðasambönd, allt eftir kunnáttu nemenda. Nota má verkefnið sem e.k. fyrirlestur.
• Ekki er ætlast til þess að nemendur skilji eða þýði textana um dýrin á netinu en noti sér þá í upplýsingasöfnun.

Samsetning hópsins

Tungumál hópsins

Stærð hópsins

Tími

Hvernig gekk

Dagsetning