BRAGI: Reykjavík: tala (nb: fs) > "Förum í leikhús!"

námsbók: fs vb kh ath 25.09.03	B R A G I	vinnustig Reykjavík: tala
Förum í leikhús!

Borgarstjórinn í Reykjavík býður hópi af nemendum í leikhúsið.

Lestur

Skoðið leikhúsauglýsingar í nýjustu dagblöðunum (eða á vefnum).
E.t.v. má finna fleiri upplýsingar um sýningarnar á vefnum.
Leitið að eftirfarandi upplýsingum:

er leikritið íslenskt eða þýtt?
hvernig verk er þetta (gamanleikrit, harmleikur, drama, sígilt verk, nútímaverk)?
er tónlist í verkinu (söngleikur, ópera)?
er sýningin stór eða lítil (hjá stóru atvinnuleikhúsi, á stóra eða litla sviðinu; hjá litlum leikhópi eða áhugaleikhópi)?
er hægt að fá miða eða er uppselt, e.t.v. greiðslumöguleikar

Komið ykkur saman um hvaða sýningu þið viljið sjá.
Reynið að sannfæra þá nemendur sem vilja fara á aðra sýningu.

Símtal 1

Hringið og pantið miða á leiksýninguna.
Leikið þann sem hringir og þann sem er í miðasölu.

Orðasambönd

ég ætla að fá miða á leikritið ...
eigið þið miða á leikritið ... ?
ég tek þá miða á mánudagskvöldið/ ...
ég ætla að fá ... miða
ég sæki miðana á eftir / á morgun / rétt fyrir sýningu
get ég borgað með greiðslukorti?

já, hvað viltu fá marga miða?
því miður, það er uppselt á sýninguna í kvöld
við eigum miða á mánudagskvöldið/ ...
við eigum aðeins miða í stök sæti
við erum (ekki) með greiðslukortaþjónustu

Símtal 2

Aðrir nemendur leika símtal milli nemenda og skrifstofu borgarstjóra.
Nemendur verða að láta vita á hvaða sýningu þeir ætla að fara.

Orðasambönd

við erum hópur af nemendum frá ...
við ætlum að fara í leikhúsið í boði borgarstjóra
við erum búin að panta miða á ...

já, einmitt, þið eruð hópurinn frá ...
ég veit um hvað málið snýst
ég mun borga miðana
þið getið sótt miðana í miðasölunni
góða skemmtun!

Bréf

Skrifið stutt þakkarbréf til borgarstjóra að sýningu lokinni.

Reykjavík, ...

Borgarstjóri ......... .

Fyrir hönd nemenda í ...

vil ég þakka fyrir ...

Kær kveðja,

[FORSÍÐA] [yfirlitstafla]

[athugasemdir, 25.09.03]